По 26 години владеење, се чини дека дојде време Александар Лукашенко конечно да оди во пензија. Повеќе од четврт век тој беше лидер на диктатура во Белорусија, жестоко се спротиставуваше на неистомислениците, гушејќи ги критиките, апсејќи активисти и спроведувајќи смртни казни.
По неговото негирање на опасноста од коронавирусот и уште којзнае кои по ред сомнителни избори, се чини дека народот се одлучи да му стави до знаење дека работите веќе нема да продолжат вака.
Штрајкови
Додека се одвиваат се помасовни протести во Минск и други градови, Лукашенко продолжува да инсистира на тоа дека зад нив стои друга сила, меѓутоа, голема опасност по неговата власт сега претставува фактот дека на демонстрантите им се приклучуваат и работници од државните фирми.
Со тоа, слободно може да се каже дека започнаа големи штрајкови ширум земјата, кои, ако потраат, може да и наштетат на и онака лошата економија.
Градежни работници, работници од фабрики во нафтената индустрија и други работници се повеќе покажуваат непослушност и им се придружуваат на протестите. Во понеделникот на протестите учествуваа и работници од државните медиуми, како и рудари.
„Силовиките“ одбиваат послушност
Што понатаму ќе се случува дополнително може да зависи од тоа што прават таканаречените „силовики“- полиција, војска и другите сили на безбедност.
Некои веќе дадоа оставки, па на неколку објавени видеозаписи на социјалните мрежи покажаа како ги уништуваат своите униформи.
Policeman Ivan Kolos in fresh call for colleagues to join #belarus protests. Says after previous video “frightened bosses” sacked him, stripped of badges and stripes.
“1000s of us have switched already. It’s not too late to be true to your conscience, parents wives + children.” pic.twitter.com/jV9MeJDE03— Oliver Carroll (@olliecarroll) August 17, 2020
Според зборовите на полицаецот Иван Колос, веќе околу 1.000 полицајци ги поддржаа протестите. Тој поради поддршка на демонстранатите останал без работа и медали.
„Ова е неговиот крај“
Како што притисокот кон Лукашенко расте, многу аналитичари предвидуваат дека тој ќе преземе уште порепресивни мерки како би се задржал на власт.
Севијарин Квијаткоуски, белоруски аналитичар, вели дека никој не можел да предвиди вакви протести во земјата.
– Никој, а најмалку власта, не можеше да предвиди дека ова ќе се случи. Морате да сфатите дека народот нема да попушти. Тоа е тоа, ова е крајот. Вие сега го гледате крајот на режимот на Лукашенко – предвидува Квијаткоуски.
Меѓутоа, тој се плаши дека Лукашенко од очај може да направи некои ужасни работи, како погубувања.
Арсен Сивитски, директор на центарот за стратешка и надворешна политика во Минск, смета дека положбата на Лукашенко се намалува како што протестите растат, а според него тоа е посебно евидентно со зголемениот број на работници кои масовно се приклучуваат кон штрајкот.
Лукашенко е свесен дека е поразен?
Иако продолжува да тврди дека протестите нема да го срушат, Лукашенко и самиот со своето однесување демонстрира страв.
Така, тој во понеделникот кон работниците кои го исвиркуваа упати порака дека нови избори ќе има само доколку тој е убиен.
– Зборувате за нефер избори и барате фер избори. Епа имам порака за вас. Имавме избори и ако не ме убиете нема да има други – порача Лукашенко.
That moment when #Lukashenko speech to factory workers ended in crowd shouting: “Leave!”#Belarus #Belarusprotests #Tichanowskaja #belarusinaction pic.twitter.com/lUGloOrBhI
— Belarus in action (@positivehater1) August 17, 2020
Меѓутоа, веќе во следната изјава зборуваше поинаку.
– Мораме да усвоиме нов устав. Тој мора да биде усвоен на референдум, затоа што и претходниот устав го усвоивме на референдум, и според новиот устав, ако сакате, можете да одржите избори – и парламентарни и претседателски и локални – рече тој.
Оваа последна изјава означува голема промена, бидејќи досега Лукашенко не ја споменуваше можноста за нови избори.
Тој очајнички го повика на помош рускиот лидер Владимир Путин со кој има комплицирани односи.
Меѓутоа, Путин лесно би можел да го остави на цедило, ако процени дека не му се исплати дополнително да си го комплицира животот.
Лукашенко останува со се помалку пријатели покрај себе и помалку опции за преживување на оваа криза.
The post ДАЛИ Е ОВА КРАЈОТ НА ЛУКАШЕНКО: Народот не престанува да штрајкува, не е познато ниту дали Путин ќе му помогне appeared first on Слободен печат.
ДАЛИ Е ОВА КРАЈОТ НА ЛУКАШЕНКО: Народот не престанува да штрајкува, не е познато ниту дали Путин ќе му помогне was first posted on август 19, 2020 at 10:28 am.
