Откако вчера специјалниот суд во Хаг покрена обвинение за воени злосторства против претседателот на Косово Хашим Тачи, тој го откажа своето присуство на состанокот во Вашингтон кој требаше да се одржи за два дена на иницијатива на Ричард Гренел, специјален посредник на САД во преговорите меѓу Белград и Приштина.
Гренел вчера на Твитер напиша дека „се радува на разговорите кои ќе бидат водени меѓу српскиот претседател Александар Вучиќ и косовскиот премиер Авдулах Хоти“.
We look forward to Saturday’s discussions which will be led by President Vucic and Prime Minister Hoti. https://t.co/j7KhhfbQX1
— Richard Grenell (@RichardGrenell) June 24, 2020
Но, на негово разочарување, денеска и премиерот Хоти го откажа присуството во Белата куќа заради новоразвиената ситуација по обвинението покренато против Тачи, претседателот на Демократската партија на Косово, Кадри Весели и други лица.
„Поради новите случувања во Приштина по обвинението предложено од специјалното обвинителство, морам да се вратам во мојата земја за да се справам со ситуацијата. Го известив амбасадорот Гренел дека не можам да присуствувам на состанокот на 27 јуни во Белата куќа“, објави косовскиот премиер.
Due to the new developments in Prishtina as a result of the indictment submitted by the Specialized Prosecutor’s Office, I have to return to my country to deal with the situation.
I informed Ambassador Grenell that I could not attend the June 27 meeting at the White House.— Avdullah Hoti (@Avdullah) June 25, 2020
Првите реакции по веста за обвинението на Тачи го отворија прашањето: Дали е случајност што тоа се случи само три дена пред закажаните разговори во Белата куќа и дали тој состанок со тоа беше „миниран“?
Брисел упати „силна поддршка за работата на обвинителството“, па оттука може да се каже дека ЕУ не е наклонета кон иницијативата на Гренел за решавање на косовскиот проблем.
Доказ за тоа дека ЕУ сака да ја преземе лидерската позиција во посредување во преговорите меѓу Белград и Приштина се и информациите дека Хоти и Вучиќ денеска и утре ќе имаат одделни средби со претседателката на Европската Комисија Урсула фон дер Лајен, како и со еврокомесарот за проширување Оливер Вархељ.
Од друга страна, Србија која бараше и ќе бара правда за жртвите на косовските ОВК лидери, вклучувајќи го и Тачи, би била задоволна што Тачи ќе одговара ако обвинението е потврдено.
The post АНАЛИЗА: Дали обвинението против Тачи е обид да се исфрли Вашингтон од решавањето на косовското прашање? appeared first on Слободен печат.
АНАЛИЗА: Дали обвинението против Тачи е обид да се исфрли Вашингтон од решавањето на косовското прашање? was first posted on јуни 25, 2020 at 1:35 pm.
