– Денес времето во Македонија ќе биде претежно сончево со слаб до умерен ветер од јужен и од југоисточен правец. Температурите ќе се искачуваат во интервалот од 13 до 18 степени. Во Скопје и околината времето ќе биде претежно сончево со слаб до умерен ветер од југоисточен правец, додека максималната температура ќе се искачи до околу 14 степени, вели метео прогнозерот Славчо Попоски.
Според Попоски, од утре, па натаму ќе има зголемена облачност проследена со повремени локални врнежи од дожд. Врнежите повеќе застапени ќе бидат во западните и во јужните предели од државава, и истите таму ќе бидат со умерен интензитет, додека во останатите предели ќе бидат со послаб интензитет. Ќе дува и слаб до умерен ветер од јужен правец, додека во вторник ветерот ќе го промени својот правец во северен.
Температурите ќе се искачуваат во интервалот од 12 до 19 степени, додека пониски температури ќе имаме од среда и истите ќе се искачуваат во интервалот од 10 до 14 степени.
