Марија Ивановска и Бојан Трајковски од музичкото дуо „Ај кју“ вчера направија свадбена веселба, само неколку дена откако јавно објавија дека го очекуваат своето прво дете.
Парот, кој со години е во љубовна врска, неодамна преку забавно видео на социјалните мрежи сподели дека наскоро ќе стане родители, а сега својата љубов ја официјализираа и со брак.
Марија на Инстаграм објави фотографии и видеа од свадбената прослава, на кои може да се види атмосферата од веселбата со нивните најблиски.
Пејачката за големиот ден избра елегантна венчаница од чипка и сатен, која нежно го истакнуваше трудничкото стомаче, додека стајлингот го надополни со бидермаер од кали.
Бојан се појави во светло, неутрално одело, а младенците не ја криеја среќата додека го играа првиот танц, ја сечеа свадбената торта и славеа со гостите.
