Популарната регионална музичка ѕвезда Емина Јаховиќ отворено зборуваше за тешкиот период по разводот со колегата од Турција, Мустафа Сандал.
Во своето последно интервју за „Црно бело“ , пред концертот во Скопје, таа отворено зборуваше за тоа како навистина изгледа нејзиниот живот во Турција.
„Мојот живот во Истанбул е еден нормален живот. Мислам, во однос на можеби некои… како да кажам, како што луѓето тоа го замислуваат, тоа не е така. Јас сум мајка на две момчиња, имам два сина, се грижам за нив. Имам свои пријатели, понекогаш се гледам со нив, одам во теретана… Многу еден обичен, нормален живот, и не се разликува многу од сите останати“, вели Јаховиќ за „Црно бело“.
Пејачката се осврна и на тоа како нејзините синови се справуваат со фактот дека имаат познати родители, особено по периодот на нејзиниот развод со турскиот кантавтор Мустафа Сандал. Таа не крие дека поминале низ тешки моменти, но со гордост истакнува дека децата веќе се зрели и одлично ја разбираат природата на нејзината професија.
„Моите деца веќе се навикнаа на ова. Имаше моменти кога навистина беше тешко и за сите нас, особено во моментите по мојот развод. Но, децата поминаа низ тоа и, фала му на Бога, пораснаа, па сега разбираат што значи да се биде јавна личност и што е вистина, а што не. Повеќе нема потреба да им се објаснувам“, искрена е Емина.
View this post on Instagram
