Пејачката Вера Матовиќ проговори за музичкото натпреварување „Песна за Евровизија“, кое ќе се одржи на 25 и 27 февруари.
Таа изјави дека би сакала Србија на Евровизија да ја претставува некој сличен на Марија Шерифовиќ.
„Ги следам музичките фестивали, ги гледам сите. Би сакала повторно да се појави некој како Марија Шерифовиќ. Јас сум народњак, таму не ми е местото, не би учествувала, бидејќи сметам дека на нас не ни е местото на ваков тип натпреварување“, искрено одговори Матовиќ.
За време на емисијата, водителката доби порака од колегата на Матовиќ, Ера Ојданиќ, кој рече дека неговата песна „Пајак“ е исто толку голем хит како и песната на Матовиќ, „Мики, Милане“.
Фолкерката рече дека нејзините колеги биле љубоморни на успехот на таа нумера, а дека завидлив бил и самиот Ера, кој ја испратил пораката.
„Сигурно било така. Што се однесува до тоа, веројатно и Ера, бидејќи ја испрати таа порака“, рече таа.
Ненадејно, за време на емисијата „Премиера, викенд специјал“, во студиото влезе Драгомир Деспиќ – Десингерица, кој ја прекина програмата. Тој срдачно се поздрави со Вера, која остана во шок поради ненадејната посета на раперот.
