Метју Пери, најпознат по улогата на Чендлер Бинг во хит серијата „Пријатели“, денеска е пронајден мртов во џакузито на неговиот дом во Лос Анџелес, објави TMZ.
‘Friends’ Star Matthew Perry Dead at 54 After Apparent Drowning | Click to read more 👇 https://t.co/OARIVTMOQ2
— TMZ (@TMZ) October 29, 2023
Метју Пери вежбал два часа утрото, а потоа го испратил својот асистент на купување намирници. Кога асистентот се вратил два часа подоцна, го нашол Пери во несвест и веднаш повикал полиција и брза помош. Сепак, лекарите биле немоќни да го спасат.
RIP Chandler Bing… Matthew Perry died at age 54, per @TMZhttps://t.co/gTQis7BX7Q pic.twitter.com/D0aSdVBJcg
— Dov Kleiman (@NFL_DovKleiman) October 29, 2023
Извори на ТМЗ од полицијата велат дека Пери најверојатно се удавил, но дека понатамошната истрага ќе покаже под кои околности тоа се случило. Во близина на телото не биле пронајдени наркотици и засега се верува дека смртта не била насилна.
Метју Пери се прослави благодарение на улогата на Чендлер во серијата „Пријатели“ која имаше 10 сезони и 234 епизоди.
Иако „Пријатели“ беше неговиот најголем успех во актерскиот свет, Пери глумешеиводуги хит серии како што се „Boys Will Be Boys”, “Growing Pains”, Silver Spoons”, “Charles in Charge”, “Sydney”, “Beverly Hills, 90210”, “Ally McBeal” и многу други.
Метју Пери се бореше со зависноста од дрога и алкохол зад камерите. Со години бил зависник од лекови против болки, поради што бил на рехабилитација.
Актерот во своите мемоари пишуваше за најтешките периоди од својот живот, но и за минатогодишната борба со вишокот килограми.
Метју Пери никогаш не бил оженет, тој само накратко беше верен со Моли Хурвиц пред неколку години.
