На Би-би-си синоќа беше прикажано интервјуто со Вирџинија Робертс, жената која тврди дека била присилена да има сексуален однос со принцот Ендру во времето кога тој бил близок пријател на милијардерот педофил Џефри Епстајн.
Вирџинија, која тврди дека двајцата ја силувале кога имала само 17 години, изнела тешки обвиненија на сметка на синот на кралицата Елизабета, која поднесе оставка од сите кралски должности поради скандалот со Епстајн.
Кралицата, исто така, ја исфрли и неговата канцеларија од Бакингемската палата, а многумина сметаат дека принцот повеќе нема да се врати на кралските должности.
Робертс на Би-би-си ги прераскажа главните детали од нејзиниот однос со принцот.
„Ми рекоа дека морам да го усреќам исто како и Џефри. Не можев да кажам не, затоа што Епстајн го очекуваше тоа од мене. Принцот Ендру беше ужасен додека танцувавме и цело време се потеше. Неговата пот капеше врз мене“ – рекла Вирџинија, која тврди дека спиела со Ендру неколкупати, а во една прилика, како што наведува, имале и оргии.
