Актерката Анѓелка Прпиќ со својот сопруг Марко Жугиќ моментално престојува во Црна Гора, а друштво им прават колешката Анѓела Јовановиќ и нејзината мајка, легендарната Бранка Пујиќ. Како си поминуваат на овој заеднички одмор, може да се види од фотографии на социјалните мрежи.
Анѓела најпрво ги улови Анѓелка и Марко како прегрнати позираат, додавајќи опис: „Убавици, гулапчиња“.
Потоа, таа сподели и кадри на кои се гледа како нејзината мајка, Бранка Пујиќ, ужива во дегустација на морски плодови. Посебно внимание и емоции кај следбениците предизвика селфито на Анѓела со нејзиниот син, чие лице го прекри со емотикон во форма на сино срце.
Михаил Дудаш: „Мојата сопруга изгледа феноменално“
Иако Анѓела Јовановиќ и нејзиниот сопруг, поранешниот атлетичар Михаил Дудаш, ретко зборуваат за приватниот живот, тој неодамна јавно ја пофали својата сопруга и истакна дека ѝ е најголема поддршка.
„Мојата жена е атрактивна и по породувањето изгледа феноменално. Имам максимална доверба во неа, ја сакам и за мене таа е најубава. Генерално, што и да облече, одлично ѝ стои“, изјави неодамна Дудаш за медиумите.
Судејќи по објавите, оваа весела екипа максимално ги користи сончевите денови за релаксација и семејно дружење на брегот.
