Адел отсекогаш имала привилегиран однос со своите обожаватели. И токму за нив отсекогаш ги резервирала најинтимните и најличните изјави. Минатиот петок, по повод музичкиот настан во Лас Вегас, наречен Weekends with Adele, на кој таа се појавува, пејачката на публиката ѝ откри дека повторно почнала да посетува психолошка терапија.
Уметницата од Лондон соопшти дека по разводот со поранешниот сопруг Сајмон Конецки (татко на нејзиниот 10-годишен син Анџело), имала 5 тераписки сесии дневно. Потоа, ги прекинала терапиите и се посветила на новата романса со спортскиот агент Рич Пол.
Сега, сепак, пејачката им призна на фановите дека се вратила на терапија. Постојат две причини за тоа: од една страна Адел сака да научи да презема одговорност за својот избор, а од друга сака да се чувствува целосно свесна кога настапува на концертите, да научи да управува со сценската анксиозност и да може да им се посвети на фановите. Адел признава дека иако има бројна публика таа пред секој настап чувствува вознемиреност.
View this post on Instagram
„Целата моја тераписка сесија оваа недела беше фокусирана на концертите. Ме прават да се чувствувам толку емотивно секој пат. Сакам да правам музика, но има нешто во тоа што настапувам во живо што ме ужаснува и ме исполнува со страв. Затоа не сум голем уметник кога сум на турнеи“, признава Адел.
