Здравко Чолиќ ретко зборува за својот приватен живот, но еднаш направи исклучок и ја изненади јавноста со искрено признание.
Имено, пејачот тогаш откри дека со години се спротивставувал на бракот, како и дека првата сериозна девојка ја запознал дури во позрелите години, што изненади многумина.
– Прилично доцна ја имав првата девојка. Првата девојка ја имав кога веќе бев зрел. Кон крајот на триесеттите, прва девојка ми беше Јасна од „Локице“ – признал Чола.
Тој раскажал и што правеле жените за да му се приближат, пишува „Курир“.
– Се обидував тоа да го избегнам колку што можев со одредено однесување. Живеев на „Загребачка“ 31 на Грбавица и таму доаѓаа екскурзии од жени и шараа по ѕидовите. Трипати го варосувавме дворот. Тоа го прикажаа во документарецот „Певам дању, певам ноћу“ – рекол тој.
Кога ја запознал својата сегашна сопруга Александра, веднаш се вљубил во неа.
– Се запознавме во Брела. Потоа тоа траеше, богами, 11 години. Некако одеше бавно и на крајот беше да се биде или не. Не е лесно да ја омажиш ќерката за естраден уметник за кого сè и сешто се зборувало и сè уште се зборува. Тоа беше симпатија на прв поглед и тоа во животот ти се случува три-четири пати – некој да ти се допадне и да сакаш да бидеш со него. Но, не е лошо кога луѓето долго се забавуваат, бидејќи тогаш се појавува нешто друго – грижата за некого – смета тој.
