Оскаровецот, холивудскиот актер и режисер Бен Афлек подигна кредит од 10 милиони долари. Претходно, тој имаше подигнат кредит во Лос Анџелес од 20,5 милиони долари. Ексклузивни детали од договорот објавува Дејли мејл.
Домот со пет спални соби и пет бањи во кањонот Саливан, кој е пријателски расположен кон коњи, на границата меѓу Брентвуд и Пацифик Палисајдс е веднаш до домот со четири спални соби и седум бањи на актерката Дајан Китон, кој таа го купи за 4,7 милиони долари во 2011 година. Домот сега се проценува на неверојатни 17 милиони долари.
Продажбата се случи на 24 јули, истиот ден кога Афлек ги позајмил парите, а неговата сопруга Џеј Ло го прослави својот 55-ти роденден.
Афлек, чија вредност се проценува на 200 милиони долари, доби 30-годишен кредит со хипотека од Сити Нашионал банк. Планирано е да го отплати до 1 август 2054 година.
Според документите, купувањето на куќата и истата која ја ставил на хипотека за да земе кредит биле направени преку долгогодишниот бизнис менаџер на Афлек, Гери Крес. Документе се со дата неколку недели пред купувањето и подигнувањето кредит.
Крес, наведен како повереник во документите, претходно го купил и домот на парот (Лопез, Афлек) во Бел Ер за речиси 61 милион долари, кој сега е на продажба на пазарот.
Ова ќе биде втора хипотека за оскаровецот во последните 12 месеци. Тој веќе има заем од 20 милиони долари за вилата што ја купија со Џенифер пред една година.
Двојката подигна хипотека од банката JP Morgan Chase во септември 2023 година, првично плаќајќи го готовина за вилата.
Според новиот договор на Афлек, тој ќе плати почетна фиксна стапка од 6,6% за првите пет години, што изнесува месечна исплата од 140.000 долари, вклучувајќи го и данокот на имот. Потоа ќе се зголеми ратата на 2,5% над индексната стапка на хипотека.
Наречен Пронајден рај, домот се наоѓа на прилично изолирана локација, опколен со ѕидови и затворена патека со парк во кој доминираат зрели маслинови дрвја.
Ben Affleck buys a home in Los Angeles on the same day Jennifer Lopez sells her New York City penthouse. pic.twitter.com/XM1WWrdTqq
— E! News (@enews) August 1, 2024
Тој го купи имотот од австралискиот филмски продуцент Дејвид Калверт-Џонс – внук на медиумскиот магнат Руперт Мардок – и неговата сопруга Карина.
