Во чест на Луран Ахмети, еден од најталентираните актери на Албанскиот театар кој почина во март 2021 година од последици од корона вирус, на 46-годишна возраст е промовирана поштенската марка „Луран Ахмети 1974 – 2021“ испечатена во тираж од 6000 примероци, и со номинална вредност од 36 денари.
Дизајнер на поштенската марка е Тахар Алемдар, кој на ова мало парче хартија, со исклучителна вредност во светот на филателијата, го претставил ликот на Луран Ахмети и слики од неговите ликови, театарски и филмски.
Ахмети беше дел од многу театарски претстави, играни и кратки филмови, а последните години беше дел од најгледаните турски серии.
