Фолк-пејачот Влатко Миладиновски е возбуден пред новиот предизвик што го очекува на 28 декември, концертот во салата „Борис Трајковски“ од 20 часот.
Пејачот имаше многу успешна година, одбележана со распродадени концерти во Националната опера и балет, во Античкиот театар во Охрид и турнеја низ Австралија, Америка, Канада, Европа, Турција. Миладиновски е прв македонски фолк-пејач кој закажа концерт во нашата најголема сала.
-За првпат еден македонски изведувач на народна музика ќе одржи солистички концерт во СЦ „Борис Трајковски“-легендарна арена резервирана за најголемите имиња и најимпозантните спектакли. Тоj изведувач е Влатко Миладиноски, човекот чиј препознатлив глас со години ја носи македонската емоција низ времето, обединувајќи ја традицијата со современиот звук. Заедно со оркестарот на Златко Миладиноски, тој подготвува тричасовно музичко патување што ќе ги допре сите генерации- велат организаторите, продукција „Балканмедиа“.
Организаторите додаваат дека концертот ќе биде продукција на највисоко ниво: 200 импресивна централна сцена, врвна аудио техника, преку 300 светлосни тела и ефекти, над 200 m² LEDекрани што ќе создадат посебна визуелна димензија.
-Дополнително, голема чест ќе бидат специјалните гости, со што вечерта ќе добие уште поголема уметничка тежина и ексклузивност. Возбуден сум пред концертот и подготвен да пеам со публиката колку и да треба- вели Влатко Миладиновски.
Билетите се во продажба преку продажната мрежа на www.kupikarta.com и продажната мрежа на kupikarta.com
