Каролина Гочева се прости од својот драг пријател Владо Јаневски чие заминување ја потресе македонската јавност споделувајќи заеднички фотографија со него и со емотивни зборови му кажа последно збогум:
„Владе мој. Збогум со мојата најомилена песна од тебе… и никогаш нема да заборавам…“, напиша Каролина и ја сподели песната „Не заборавај да се сетиш на мене“.
Пред неколку години на гостувањето во емисијата „Еден на еден“ Владо Јаневски откри дека кон Каролина Гочева и кон Калиопи чувствувал посебна блискост и раскажа интересна анегдота поврзана токму со нив.
„Каролина ја сакам најмногу на свет. Неа и Калиопи. Тие ми се посебна слабост на естрадата. Секогаш сум бил тука за нив, за дружба и за сè“, раскажа Владо.
Потоа се присети на денот кога Каролина го поканила на нејзината свадба со уметникот Михаил Корубин во 2017 година.
„Ми рече: ‘Жити мене, знам дека не одиш по свадби, ама те молам, ради мене дојди на мојата свадба.’ Како сестра да ме канеше.“
Во исто време му се јавила и Калиопи.
-Ми рече: „Ајде бе брат, немам со кого да одам на свадбата кај Каролина. Биди ми ‘дејт’, да не се појавам сама“. се присети тогаш пејачот на молбата на Калиопи.
Поради љубовта и почитта кон двете пејачки Јаневски ја прифатил поканата и одлучил да оди на свадбата на Каролина.
Свадбата се одржувала во голем хангар, со црвен тепих и стотици гости.
„Влегов внатре и одеднаш гледам околу 600 луѓе, од кои 598 не ги познавам. Шок и паника.“
Како што раскажа низ смеа тоа едноставно не можел да го издржи.
-На Калиопи ѝ реков: „Оди честитај, јас си одам дома.“ Се свртев и си заминав.
Така и направил. Го оставил подарокот и без да ѝ се јави на Каролина си заминал.
Кога подоцна ѝ кажале на Каролина дека дошол, го оставил подарокот и си заминал без да лично да ѝ честита, таа само кратко прокоментирала „Таков е Владо… што да правиме.“
Владо и Каролина заедно ја изведуваа песната „Љубовта е моја религија“.
View this post on Instagram
