СЗО ќе процени дали се работи за здравствена итна состојба, „Вирусот се однесува на необичен начин. Експертскиот тим е свикан на 23 јуни и ќе треба да се произнесе по ова прашање.
„Вирусот се однесува на необичен начин“, рече вчера Тедрос Аданом Гебрејесус, директор на СЗО, барајќи да се свикаат експертите на Комитетот за итни случаи на 23 јуни. Целта на состанокот е да се процени вистинската опаснот на ризикот од ширење на таканаречената мајмунска сипаница.
„Појавата на мајмунска сипаница е невообичаена и загрижувачка. Поради оваа причина, решив да го свикам Комитетот за итни случаи според Меѓународните здравствени регулативи следната недела за да процени дали оваа епидемија претставува вонредна состојба за јавното здравје на меѓународно ниво“, рече Аданом Гебрејесус на прес-конференцијата.
Се разгледува и изборот на нов термин за идентификување на вирусот и тој „не е дискриминаторски и не создава никаква стигма кон Африка, уште повеќе што географското потекло на епидемијата е непознато“.
Во меѓувреме, од 18 мај до денес, околу 900 случаи на инфекции со мајмунски сипаници се пријавени во 19 земји-членки на ЕУ, вклучувајќи ги и Норвешка и Исланд.
Европската комисија вчера одлучи да го финализира договорот за набавка на 110 илјади дози вакцина против мајмунски сипаници, дози кои наскоро ќе им бидат достапни на земјите членки на ЕУ, кои имаат најголема потреба од вакцини.
„Ова е јасен сигнал – рече еврокомесарката за здравство Стела Киријакидес – дека агенцијата Хера (Управата за здравствена подготовка и одговор на Европската комисија) може ефективно да одговори на заканите по здравјето“.
