View this post on Instagram
По пресудата од Академијата, ѕвездата на Men in Black, се покаја и отиде во Индија на духовно патување и започна да „работи на себе“. Но, тој не се откажа од филмот, и се подготвува за својот голем камбек со продолжението на филмот „Јас сум легенда“.
„Сценариото е подготвено, а неговиот лик е таму“, вели извор за „Сан“. „Нема индикации од Ворнер Брос дека Смит ќе биде надвор од проектот“. Згора на тоа, продукцијата на филмот, во кој актерот повторно ќе ја има улогата на научникот Роберт Невил кој се бори за опстанок, ќе биде на компанијата Вестбрук основана од самиот Вил Смит со неговата сопруга, па затоа е тешко да се замисли дека Вил Смит може да биде исклучен. И покрај вревата што се крена по Ноќта на Оскарите.
„Вил оди на терапија и поминува време надвор од центарот на вниманието“, вели за „Сан“ добро упатен извор. „Само помислете на Роберт Дауни Џуниор, Винона Рајдер, Дру Беримор…“ (сите од нив се соочија со големи скандали, па повторно победнички се вратија). А потоа, изворот додава: „Судењето Деп-Херд во голема мера го оттргна вниманието од шамарот на Крис Рок, а исто така негативното мислење што јавноста го имаше за Вил Смит е значително намалено. До објавувањето на филмот, за неколку години, работите ќе бидат многу поинакви“.
