Шесткатна зграда се урна во турскиот град Шанлиурфа, а спасувачките екипи се испратени во областа, јавува Анадолија.
Bahçelievler’de bina yıkılmış lütfen hasarlı ve riskli binalara girmeyin!#şanlıurfa #bahcelievler pic.twitter.com/8HTAx2AKYe
— Ahmet (@vekilgizligol) March 5, 2023
Зграда во областа Халилија, која исто така беше погодена од земјотресот на 6 февруари, денеска целосно се урна.
На локацијата се испратени припадници на Управата за вонредни ситуации на Република Турција (АФАД), противпожарната бригада, медицински екипи и безбедносни сили.
Продолжува потрагата и спасувањето од урнатините, под кои има повредени.
Гувернерот на Шанлиурфа, Салих Ајхан, изјави дека едно лице е пренесено во болница по уривањето на зградата.
„Се верува дека едно лице е внатре во зградата. Едно лице е пренесено во болница со повреди кои не се опасни по живот“, рече Ајхан.
UPDATE – U turskoj #Sanliurfa se urušila šestospratnica: Jedna osoba prevezena u bolnicu https://t.co/6SZwKZcOaP pic.twitter.com/mcrJDdMbPh
— ANADOLU AGENCY (BHSC) (@aa_balkans) March 5, 2023
Гувернерот Салих Ајхан, градоначалникот Зејнел Абидин Бејазгул и други локални претставници ја посетија областа.
Претставникот на Шанлиурфа Азиз Ајдинлик изјави дека зградата е веќе затворена, па во неа нема луѓе.
