Тикток беше преплавен со видеа во кои главните улоги ги имаше Лионел Меси и аргентинската новинарка Софија Мартинез. Местото на случувањата беше доделувањето на Златната топка, што се одржа неодамна во Париз. Многумина ги забележаа спорните погледи меѓу фудбалската ѕвезда и познатата Аргентинка која беше една од ретките кои го интервјуираа познатиот фудбалер. За оваа афера се шушкаше и претходно, а по случувањата во Франција повторно експлодираа гласините.
Погледнете го видеото на Лионел Меси и Софија Мартинез за кое зборуваат сите:
@carlosfutbol04 La mirada de Messi a Sofi Martínez #sofimartinez #leomessi #messiballondor2023
♬ Día De Suerte – Live At Palacio De Los Deportes, México/2011 – Alejandra Guzmán & Moderatto
Софија Мартинез тој ден ги интервјуираше и Емилио Мартинез, Хулијан Алварез и Лотаро Мартинез, но нејзиниот разговор со Меси најмногу одекна поради „хемијата“ која владееше меѓу нив, коментираат на ТикТок.
„Сите мажи се исти“ ,„Антонела ќе доживее исто што доживеа Шакира“, пишуваат на оваа социјална мрежа оние кои се убедени дека има нешто повеќе меѓу фудбалерот и новинарката, како и дека приказната на Шакира – Жерар Пике ќе се повтори, славниот пар кој раскина поради неговото неверство. Видеото не престанува да се споделува на ТикТок.
На истиот настан на кој Меси ја доби Златната топка, осми пат во кариерата, присуствуваа и неговата сопруга Антонела Рокузо и нивните синови. За церемонијата напиша и Софија Мартинез на Инстаграм, посочувајќи дека овогодинешната додела на наградите најмногу била во знакот на аргентинскиот фудбал.
Софија Мартинез го интервјуираше Меси и пред финалето на Светското првенство минатата година во Аргентина. „Го допревте секој Аргентинец, навистина го мислам тоа“, му рекла таа, пренесува sportsmanor.com.
Софија го направи тоа интервју за Би-Би-Си Спорт, по што изјави дека тоа бил најмагичен момент за неа, но и многу емотивен момент бидејќи го следи Лионел Меси уште од мала.
Her name is Sofia Maria Martinez. She’s been a Messi whisperer in Qatar. @SofiMMartinez https://t.co/zl9eLwnwa8
— Felipe Cárdenas (@FelipeCar) December 14, 2022
Таа го пофали Меси, велејќи „тој ми посвети внимание“ и вети дека ќе му направи тетоважа доколку Аргентина победи во финалето, што го направи тимот на оваа земја. Таа му порача и дека дефинитивно заслужува да го освои Светското првенство, а дури и ако не испадне така, јасно е дека веќе направил многу за својата земја. Фудбалерот за малку ќе заплачеше за време на интервјуто.
Уште по тоа интервју се коментираше дека „чудно“ се „гледале“.
