Не мислев дека ќе се извлечам, признала Мадона синоќа во Лондон на отворањето на светската турнеја Celebration.
Иако познатата американска пејачка требаше да ја започне својата светска турнеја на 15 јули, на крајот на јуни „поради сериозна бактериска инфекција“, беше сместена на интензивна нега во болница во Њујорк, и таа мораше да го одложи почетокот на концертите околу светот. Концертите беа замислени во согласност со името Celebration („Славење“), како прослава и потсетување на блескавата кариера на Мадона, една од ретките дами кои го променија музичкиот пејсаж и поп-културата. Поточно, Мадона направи револуција!
View this post on Instagram
А, синоќа, на првиот настап во лондонската арена 02, Мадона првпат јавно проговори за својата болест, признавајќи им како се чувствувала на дваесетина илјади луѓе, колку што имаше во салата:
– Не мислев дека ќе успеам, дека ќе преживеам. Дури ни моите деца не мислеа дека ќе преживеам, па се разбудив со нив кои беа околу мене. Заборавив на тие пет дена од мојот живот – или мојата смрт. Но, ангелите ме заштитија – им се доверила на обожавателите Мадона.
Таа ја откри и тајната како преживеала:
– Мислев: „Морам да бидам тука за моите деца. Морам да се извлечам за нив!“
А во склад со тие зборови, покрај дури 40 хитови од нејзината четиридецениска кариера, Мадона изведе и акустична верзија на песната на Глорија Гејнор „I Will Survive“ (Ќе преживеам).
А кога пејачката, која на 16 август наполни 65 години, стигна до стихот „зарем мислевте дека ќе легнам и ќе умрам“, се обрати на публиката – „Па, мислевте ли?“.
Концертот, кој сите присутни го опишаа како триумф, Мадона го отворила со нумерата „Nothing Really Matters“, а почетокот на турнејата, како што пишува АП, навистина бил прослава.
