Турските актери Халит Ергенч и Мерјем Узерли, познати по улогите на Султан Сулејман и Хурем во серијата „Сулејман Величествениот“, го претставија својот нов филм „Imroz’da Bahar“ („Пролет на Имроз“).
Филмот ја имаше својата светска премиера на филмскиот фестивал „Ел Гуна“ во Египет.
Како што пренесоа турските медиуми, актерската двојка пристигна на црвениот тепих држејќи се за раце, а потоа позираа заедно за фотографите.
Ова е нивниот прв заеднички проект по серијата „Сулејман Величествениот“, која се емитуваше од 2011 до 2014 година. Узерли ја напушти серијата пред крајот на снимањето, откако доживеа синдром на прегорување.
View this post on Instagram
Тие го најавија своето пристигнување на премиерата пред десет дена со заедничко видео на социјалните мрежи. „Светската премиера ја правиме на 20 октомври во Ел Гуна. Ќе бидеме таму“, рекоа тогаш.
Филмот е режиран од Озџан Алпер, кој го напиша сценариото со Лузин Динк. Снимен е на островот Ѓокчеада, познат и како Имроз, а приказната следи двајца луѓе чии патишта се вкрстуваат на островот и кои се соочуваат со минатото.
Во филмот, Ергенч го игра Ариф, 52-годишен писател кој долго време не може да пишува. Узерли ја игра Соња, 41-годишна жена која ги загубила сопругот и синот пред три години. И двајцата се копродуценти на филмот.
