Хрватката одржа емотивен говор, во кој го спомна и синот Александар.
Северина Вучковиќ ја доби наградата за пејачка на годината во Хрватска, а по тој повод одржа емотивен говор на гламурозната прослава, говор при кој се расплака.
Малку изненадена, поп-ѕвездата побрза до микрофонот, а додека се заблагодаруваше, се пошегува на своја сметка.
– Не сакав да дојдам вечерва, бидејќи во последните неколку дена луѓето ме гледаат како да сум умрела, а потоа воскреснала. Ова е мојот свет, сцената е мојот свет, не е лудницата… упс, судницата мојот свет – започна Севе.
View this post on Instagram
И додека преку својот емотивен говор, покрај за кариерата, зборуваше и за својата борба, борбата на жената, борбата на мајката, во еден момент го поздрави и синот Александар, кого има можност да го види само двапати неделно по новиот судски договор, односно налог.
– Сакам да му се заблагодарам на моето семејство и да го поздравам мојот син кој сега ме гледа на телевизија – изјави Хрватката со солзи во очите.
На церемонијата присуствуваше и мајката на пејачката, Ана, а трогателните зборови на нејзините ќерки ја скршија, пренесува порталот Информер.рс.
Инаку, Вучковиќ за оваа пригода избра фустан од Версаче, но и обетки од истиот бренд, а сите се согласија дека, иако е во шестата деценија, изгледа беспрекорно.
