Синот на Светлана Цеца Ражнатовиќ, младиот боксер Вељко Ражнатовиќ, повторно го привлече вниманието на јавноста со објава од Русија, каде веќе извесно време престојува поради професионалните обврски.
Ражнатовиќ сподели фотографија по напорен тренинг, на која позира само во шорц, истакнувајќи ја мускулната маса и резултатите од интензивните подготовки. Според реакциите на социјалните мрежи, очигледно е дека животот и тренинзите во Русија позитивно влијаат врз неговата форма.
Да потсетиме, Цеца неодамна зборуваше за одлуката на својот син да се пресели во Русија и да ја продолжи кариерата таму, посочувајќи дека има нејзина целосна поддршка.
„Тој замина за да ѝ се посвети на својата кариера и го има моето апсолутно одобрување. Тоа што го бараше, го најде таму. Постигна голем успех и со нашите тренери во Србија, но некако во Русија, особено во Владикавказ, неговото движење и напредок во рингот се видливо поинакви“, изјави Цеца во интервју.
Таа додаде дека засега е планирано да остане околу една година, но дека целото семејство меѓусебно се поддржува и редовно комуницираат за сите одлуки и предизвици.
Судејќи по најновите фотографии, Ражнатовиќ е целосно фокусиран на спортот, а трансформацијата што ја покажува е доказ за дисциплината и сериозниот пристап кон боксерската кариера.
