Тагата по вечното заминување на легендарниот фронтмен на „Парни Ваљак“ е сѐ уште присутна кај сите оние кои го почитуваа неговиот лик и дело. Помина речиси месец по смртта на Аки Рахимовски, а денес синот Кристијан се потсети на татка си.
СИ ЗАМИНА АКИ РАХИМОВСКИ, МАКЕДОНСКО-ХРВАТСКИ ПЕЈАЧ: За малку нежност, можам да заспијам!
Денес Кристијан Кики Рахимовски(40) на својот инстаграм-профил сподели еден емотивен момент со својот татко Аки, во видео снимено во семејната куќа.
View this post on Instagram
„Сакајте ги и љубете ги вашите родители, без разлика на сѐ. Тато и јас, само љубов и ништо повеќе“,
напиша Кики во описот на видеото, на кое може да се види еден драгоцен момент меѓу таткото и синот.
ВО ВЕЧНОТО ПОЧИВАЛИШТЕ: Аки Рахимовски оставил тестамент да биде погребан како муслиман
Неодамна Кики гостуваше во емисијата „Бекстејџ“ каде зборуваше за односот со својот татко.
„Тато и јас немавме класичен татко-син однос поради концертите. Пред 20 години почнав да свирам, тој свиреше… Немавме класичен однос, на пример не се слушавме секој ден…. На почетокот ми беше многу тешко да разберам, уште во времето на Југославија, да го гледаш својот татко на телевизија… Татко ми не доаѓаше дома, многу свираше. Но, откако почнав да се занимавам со музика, почнав да ги правам истите грешки како татко ми. Тато и јас немавме класичен татко-син однос. Сфаќаш дека не е така лесно“, раскажа тој за нивната врска и додаде дека многу го сака својот татко.
