Објавен е првиот трејлер од ТВ серијата „Fubar“ во која светски познатиот актер Арнолд Шварценегер се враќа на малите екрани.
Во трејлерот кој беше објавен на YouTube, беше наведено дека серијата од вкупно осум епизоди ќе се емитува на 25 мај на платформата Нетфликс.
Во „Fubar“, првата ТВ серија на дигиталната платформа во која глуми Шварценегер, играат и Моника Барбаро, Форчн Фајмстер и Енди Бакли.
Акционата хумористична серија зборува за тоа што се случува кога татко и ќерка ќе откријат дека целата нивна врска е заснована на лага и дека и двајцата се агенти на ЦИА.
Шварценегер, кој неодамна го потпиша „Terminator: Dark Fate“, петтата продукција од серијата „Terminator“, имаше и значајни улоги во филмовите како „Escape Plan“, „The Expendables 2“ и „The 6th Day“.
