Колумбијската пејачка Шакира достигнува легендарен статус бидејќи е една од ретките уметници кои во својот роден град ќе добие статуа.
#ElMomentoDelMonumento llega hasta el parque del Estadio Metropolitano para intervenir la estatua de @shakira; la obra, que realizada en acero y con cinco metros de alto, rinde tributo a la artista barranquillera y sus éxitos musicales. pic.twitter.com/WCEvZm9GBY
— Sec. Cultura de Barranquilla (@SecCulturaBaq) June 3, 2018
Причината за оваа одлука на градоначалникот на Баранкила е оддавање почит за заслугите на нејзината фондација „Пиес Дескалзос“ која до сега им помогнала на многу луѓе преку нејзината филантропска работа.
Градоначалникот Хаиме Пумарехо најави дека статуата на пејачката Шакира наскоро ќе биде поставена на стратешка локација во градот каде што е родена.
Според градоначалникот, граѓаните ќе бидат задолжени да го изберат -преку гласање- просторот каде што ќе биде поставен овој споменик.
„Прашањето што им го поставуваме на луѓето од Баранкила е каде сакаат да ја видат оваа статуа, каде би сакале да ја поставиме, и на тој начин да учествуваме сите во реализацијата на проектот, но и сите заедно да испратиме благодарност кон оваа уметница која го афирмира името на нашиот град и го прослави наоколу светот“, рече тој.
Градоначалникот посочи дека работата на статуата е во процес и за неа е задолжен еден од најдобрите скулптори Јино Маркез.
„Ќе ѝ оддадеме почит на Шакира. За неколку месеци ќе ја откриеме нејзината статуа за луѓето од Баранкила да се чувствуваат горди на оваа културна референца, но и посетителите да дојдат да ја видат, да се фотографираат тука, да останат да преноќат во хотел и да инвестираат во нашиот прекрасен град“, рече тој.
Скулторот Јино Маркез потврди дека скулптурата на пејачката Шакира ќе биде висока седум метрии ќе биде изработена во бронза.
„Процесот во моментов е во фаза на подготовка“, објасни тој.
