Публиката во швајцарскиот град Шлирен, во клубот „Хенодик“, која завчета вечерта ја забавуваше легендарното дуо на некогашните пет солисти на „Јужен ветер“, Шемса Суљаковиќ и Кемал Маловчиќ, беше сведок на немил настан.
Се беше на врвно ниво, публиката, атмосферата, организаторот… И тогаш, среде целата убавина на забавата, се случи несакан момент. Имено, за време на изведбата на еден од нејзините хитови, Шемса Суљаковиќ падна од сцената. Сите останаа шокирани од тешкиот пад кој, за среќа, немаше поголеми последици за Шемса. Професионалноста и смиреноста беа победници и во оваа ситуација.
Drž se Šemso kraljice pic.twitter.com/DldLUa7rhD
— Kalabaster (@KalabasterJak) February 6, 2023
– Сцената е мала, а се граничи со минијатурна, декоративна ограда. Не обрнав внимание. Всушност, не ја ни видов. Додека пеев, за да бидам поблиску до посетителите се закачив за ограда. Плашејќи се да не паднам со лице, скокнав и се најдов на задникот, а потоа се превртив во шега, се исмејував на своја сметка пред публиката и продолжив со пеењето по првиот пад во целата моја кариера. Ете, се приклучив и јас на групата пејачи „падавичари“ – изјави Шемса за босанските портали.
– Не е тоа некоја висина, „слетувањето“ беше безболно. Сега само чувствувам болка во рамото и задниот крај на ‘рбетот. Ставав мраз. Утре патувам за Шведска, од каде што дојдов во Швајцарија. Се ќе биде во ред, со Божја помош. Ви благодарам за грижата, а исто така и на оние кои набрзина ставија сè на социјалните мрежи. ека се здрави и среќни како што беа кога настапував. Тие се одлична публика и навистина ме сакаат – добронамерно додаде кралицата на фолк сцената.
