Украинската пејачка Руслана, победничка на Евровизија во 2004 година, предизвика бројни реакции по гостувањето на српската телевизија „Блиц ТВ“, каде што ја отпеа познатата песна „Лане моје“ на Жељко Јоксимовиќ.
Снимката од нејзиниот настап набргу се прошири на Тикток, а дел од корисниците на социјалните мрежи не беа воодушевени од нејзината интерпретација на евровизискиот хит.
„Не сфатив која песна е ова“
По емитувањето на емисијата, настапот стана предмет на шеги и критики на социјалните мрежи.
„Таа и Маја Николиќ – дует, итно“, „Не сфатив која песна е ова“, „Ми ја уништи песната“, „Што е ова, се прашувам“ и „Маја, сè ти е простено“, се само дел од коментарите што се појавија под снимката.
Маја Николиќ е српска поп-пејачка позната по бројните фестивалски настапи и учества на изборите за српски претставник на Евровизија.
@blictvofficial Ruslana izvodi "Lane moje" 🎤 SHOW STOPERKA četvrtkom u 22h na kanalu BLIC TV ✨
Руслана се заблагодари за гостопримството
Руслана не се огласи за критиките што ги предизвика нејзината изведба. Наместо тоа, преку Инстаграм им се заблагодари на телевизијата и на водителката Гоца Тржан за гостопримството.
„Ви благодарам за атмосферата и за можноста навистина да го пренесам она што сега го носам во себе, емоцијата на моето срце“, напиша пејачката.
Руслана и претходно позитивно зборувала за Србија. Во интервју за агенцијата „Танјуг“ во мај годинава изјавила дека Србија и Украина се блиски по менталитет.
„Србија ни е навистина блиска земја по менталитет“, изјавила таа.
Тогаш додала дека ги следи српските претставници на Евровизија, навива за нив и верува дека Србија повторно ќе победи на музичкиот натпревар.
