Заврши првиот од петте распродадени концерти на рекордерката на Арена, Александра Пријовиќ (28). Покрај тоа што неколкупати заплака на самата сцена и ѝ се заблагодари на публиката за поддршката, пејачката направи вистински музички спектакл, пренесуваат хрватските медиуми.
Публиката од самиот почеток беше на нозе, сите едногласно ги пееја првите стихови од песната „За на касно је“ со која таа го започна концертот, а неизоставен беше и нејзиниот хит „Дам дам дам“ кога публиката беше сосема во транс.
По концертот Александра одржа прес конференција, на која откри кои се нејзините понатамошни цели и дали ги исполнила своите детски соништа.
– Моментално ги живеам моите соништа. Отсекогаш верував дека се исплати да одиш по својот пат – вели пејачката.
– Ќе се трудам да продолжам да работам како што работев и досега и да напредувам. Моментално сум пресреќна со се што се случува и продолжувам понатаму, туркам – изјавила пејачката.
Подоцна таа уште еднаш им се заблагодари на сите за поддршката и објасни дека често плаче на сцената токму затоа што е горда и среќна на својот успех и на сета поддршка што ја добива.
На вчерашниот, односно првиот концерт во загребска Арена, гости на сцената беа Аца Пејовиќ, Дејан Костиќ и Жељко Самарџиќ. А многумина се прашуваат кои гости ќе бидат на денешниот, втор концерт. Тоа изненадување пејачката не го откри на прес конференција.
