Полициската управа на Лос Анџелес ја уапсила поранешната тинејџерска ѕвезда Аманда Бајнс и ја одвела на проценка на менталното здравје, пишува ТМЗ.
Извор од полицијата открил дека тие пристигнале на лице место откако добиле повик за женско лице, кое било „манијакално и неприсебно“. ТМЗ ја идентификувале жената како Бајнс, иако сè уште нема официјална потврда дека тоа навистина била таа.
Во полициската станица, професионална медицинска единица, наводно ќе утврди дали на Бајнс ѝ треба понатамошно лекување.
Ова е вторпат во последниве неколку месеци да ескалираат проблемите со менталното здравје на Бајнс. Во март била ставена во психијатриски притвор, откако била пронајдена како талка гола по улиците.
Очевидец тогаш рекол дека познатата холивудска ѕвезда, на која претходно ѝ било дијагностицирано биполарно нарушување, влегла во такси-возило без никаква облека и му кажала на возачот дека има психијатриска епизода.
Amanda Bynes detained by police for mental health evaluation: report https://t.co/saVwP8O0oE pic.twitter.com/ZLVEPTVGCo
— Brightly (@BrightlyAgain) June 17, 2023
