Калиопи за малку ќе загинела додека патувала со мајка ѝ и татко ѝ по лизгав пат. Потресната приказна таа ја раскажа со насолзени очи, а се случила кога била бебе од само неколку дена.
-Тоа беше голема зима, во 1966 година, кога мајка ми се породи и кога јас се родив. Се враќале од Охрид накај Кичево, и толку снег имало, што автомобилот почнал да се лизга полека и да оди накај провалијата.
Тато тогаш веднаш излегол од автомобилот и застанал пред него со својот пријател, и ѝ зборувал на мајка ми: „Излези, излези со бебето надвор“, за да тие го истуркаат автомобилот, за да не се случи нешто.
Мајка ми ме држела во рацете и погледнала кон небото, и гледа ѕвездено небо како никогаш во животот. И мене, она бебе кое гледа нагоре и мојата мама си рекла: Кој знае што ќе биде ова дете, затоа што ете, во првите неколку дена ние го изнесовме надвор и тоа во каква ноќ- рече Калиопи во во подкастот ВИШ во Босна и Херцеговина за медиумот zene.ba
