Хрватската пејачка Нина Бадриќ отпатува во Лондон за да присуствува на концертот на својот омилен музичар Бруно Марс, а по спектаклот не го криеше воодушевувањето.
Веднаш по настапот, таа се огласи на социјалните мрежи и сподели дел од атмосферата од концертот, откривајќи дека ова бил првиот концерт за кој лично купила билети во делот веднаш до сцената.
View this post on Instagram
„Добар ден на сите, освен на оние што синоќа не беа на Бруно Марс! Ова е прв концерт за кој сум купила билети во фан-зоната, толку многу го сакам“, напишала Нина.
Таа не штедеше пофалби за настапот на светски познатиот пејач.
„Тој не одржа само концерт. Тој одржа лекција по талент, вокални способности, танцови движења, шарм и енергија. Бруно Марс, ожени ме, ожени меее! Велат дека ако го повторам тоа доволно пати, вселената ќе ме чуе“, се пошегувала пејачката.
View this post on Instagram
Нејзината објава предизвика бројни реакции од следбениците, а некои во коментари се пошегуваа: „Кој ќе пее на свадбата?“
Нина со хумор одговорила: „Дара!“
Инаку, пејачката неодамна имаше настап во Бања Лука, каде што доживеа мала незгода и се здоби со повреда на ногата.
„Концертот во Бања Лука беше толку добар што публиката остана без глас, а јас без зглоб. Ви благодарам за љубовта, совршеното пеење, а следниот пат доаѓам со нови хитови и резервни делови“, напиша тогаш Нина Бадриќ.
