Еди Марфи, на доделувањето на „Златните глобуси“, доби специјална награда „Сесил Б. Демил“ за животно дело.
– Не кажувај го името на сопругата на Вил Смит! , се пошегува актерот.
Тој алудираше на минатогодишното доделување на „Оскарите“ кога по шегата за Џејда Пинкет-Смит, доделувачот Крис Рок доби шлаканица од Вил Смит.
– Сакам да ве известам дека постои дефинитивен план што можете да го следите за да постигнете успех, просперитет, долговечност и мир на умот. Постои план и јас го следам цела моја кариера. Многу е едноставно… Само следете ги овие три работи: плаќајте даноци, внимавајте на вашата работа и – не кажувајте го името на сопругата на Вил Смит!, нагласи Еди Марфи, кој му е пријател на Смит, потсетувајќи на ланскиот скандал.
