На Спасен Силјановски му се случи мала незгода за време на концертот во Прилеп, со караванот „Македонијо, во срце те носиме“.
Спасен пееше на плоштадот во Прилеп со своите колеги: Бојана Скендеровски, Наум Петрески, Зуица Лазова, Ламбе Алабаковски, Андријана Јаневска, Сузана Спасовска, Александар Тарабунов, Огнен Здравковски, Миле Кузмановски, Марија Спасовска и Мина Блажев.
И додека водителот ги читаше пејачите, а тие излегуваа на сцената еден по еден, Андријана и Спасен излегоа на сцената држејќи се за раце. Но, потоа Андријана го пушти Спасен, а тој се сопна и за малку ќе паднеше качувајќи се по скалите на бината.
Среќа што нашиот познат фолк-пејач брзо се исправи на нозете. Публиката во еден момент се насмеа, па потоа го поздрави со голем аплауз, како и колегите пред него.
Караванот на кој нашите пејачи пеат преработки на познати патриотски песни претходно беше во Охрид, Делчево, Штип, Струмица, Битола и Гостивар, па Прилеп. Повеќе од оваа случка можете да видите на ова ВИДЕО.
