Јелена Ѓоковиќ ненамерно, природно и ноншалантно стана ѕвезда на социјалните мрежи. Сите зборуваат за неа поради едно видео од Грција. Најмногу во Србија. Сопругата на српскиот тениски ас Новак Ѓоковиќ изненади со својата реакција на песната „Еј, од кад сам се родио“, која за неа ја отпеа, среде Атина, Константинос Аргирос – голем обожавател на Новак, а воедно и најголема грчка ѕвезда.
По големите професионални успеси – како што е освојувањето на 101-та титула – Новак и Јелена Ѓоковиќ решија малку да земат здив и да се релаксираат со „свирка во живо“. Тие го избраа моментално најпопуларниот грчки изведувач за свој „пејач по избор“, а присутните не ја пропуштија можноста да ги снимат настаните на лице место.
Nole and Jelena ❤️
They love each other so much 🥰 pic.twitter.com/B2fTsfTECf
— ᖴᖇᗩᑎI ® (@frani2312) November 19, 2025
Меѓутоа, кога го потрошија целиот материјал на Новак, спонтано се појави неговата сопруга, која беше подеднакво весела, па дури и танцуваше на песната на Синан Сакиќ. И токму тоа ги изненади – позитивно – и присутните и голем дел од интернет-заедницата, со оглед на тоа што немаме често можност да ја видиме во опуштени изданија како што се ноќните забави.
Кога станува збор за Новак, тоа е друга приказна. Неодамна можевме да го видиме во друштво на неговата колешка Ана Ивановиќ.
Сепак, по кратко опуштање, тие се враќаат на своите редовни обврски. Новак со тренинзите и новите бизниси што ги започна, Јелена со работите на фондацијата, но и со училишните обврски на Стефан и Тара, кои го продолжија своето образование во приватна утстанова во Атина со британска наставна програма.
