Вчеравечер во Белград се одржа премиерата на долгоочекуваниот филм „Недеља“, филм за животот на популарниот пејач Џеј Рамадановски.
Покрај бројните претставници на естрадата и јавниот живот, на црвениот тепих пристигнаа и Хусеин Алијевиќ Хуса и Ален Селими. Ален, кој имаше слична судбина како Џеј Рамадановски, за чиј живот е снимен споменатиот филм, го игра легендарниот пејач во неговото детство. За Селими ова е прво актерско искуство, а за неговиот талент веќе на големо се зборува.
Сепак, на задоволство и изненадување на присутниот, малиот Ален на црвениот тепих отпеа дел од песната „Недеља“, а неговиот глас предизвика бројни позитивни, но и емотивни реакции, а многумина веќе почнаа да шпекулираат за неговиот потенцијал да успее како актер но и како пејач.
Инаку, Ален Селими остави силен впечаток кај публиката со своето актерско деби во филмот „Недеља“. Иако ова му беше прво актерско искуство, неговиот талент беше повеќе од очигледен. Улогата ја прифати со крајна сериозност и посветеност, што резултираше со веродостојно и емотивно прикажување на ликот.
