Принцезата Кетрин од Велс, која осум месеци се бори со ракот, му се обрати на британскиот тим заедно со нејзиниот сопруг, принцот Вилијам, по завршувањето на Олимписките игри во Париз. Видеото беше објавено на официјалната страница на палатата Кенсингтон на Инстаграм.
Во кадарот, забележително послабата Кејт се насмевнува на камерата и зборува за тоа колку е горда на британските спортисти. Косата ѝ е пуштена рамно над рамената, без вообичаени бранови или стајлинг, а на лицето има минимална шминка која не може да ги скрие последиците од тешката болест: опуштена кожа и видливи брчки.
Сопругата на идниот крал го носи истиот бел џемпер со сини риги што го носеше кога за првпат ја откри својата дијагноза пред јавноста во март.
Со промените изненади и принцот Вилијам, кој во кадарот се појави со неколкудневна неизбричена брада, а облечен е во спортска маичка.
View this post on Instagram
Меѓу другите кои им се обратија на спортистите во видеото се раперот Снуп Дог, фудбалерот Дејвид Бекам, како и познати британски ТВ водители, актери и други познати личности.
Принцот и принцезата од Велс последните недели го поминаа летото со своите три деца без да излегуваат во јавност. Се шпекулираше дека можеби ќе дојдат на Олимпијадата во Париз, но тоа не се случи. Наместо тоа, таму можеа да се видат принцезата Ана, елегантната војвотка од Единбург и други членови на кралското семејство.
На принцезата од Велс ѝ беше дијагностициран рак во јануари 2024 година, откако итно беше пренесена во болница. Долго време Бакингемската палата молчеше за нејзината болест, но шпекулациите и теориите на заговор почнаа активно да се шират во медиумите. За да ги отфрли, Кејт сними тогаш видеопорака каде раскажува за се.
