Лепа Брена во 1990-тите сними секси спот, со поддршка на познатиот српски мејкап артист Дејан Милиќевиќ, но за жал, како што се појави спотот – така и исчезна.
На раководството на тогашната Југословенска армија, спотот на Брена не им се допаднал и затоа бил забранет да се емитува на телевизија.
Станува збор за екранизирана верзија на песната „Љубав је“ од 1996 година.
„Никогаш нема да ми биде јасно зошто Југословенската армија се срамеше од видеото со Лепа Брена“, изјави во една прилика Милиќевиќ.
Имено, два дена откако се емитувал на српската телевизија Пинк и собрал бројни позитивни коментари дека Брена изгледа светски, пристигнало писмо од Генералштабот во кое строго се забранува понатамошно прикажување на видето.
„Можеше да биде видео за сите времиња. Брена маршира со специјалната единица, пее во касарна, војници околу неа вежбаат…“, објаснува Дејан Милиќевиќ.
Во меѓувреме на Јутјуб се појави видеото на Лепа Брена.
