Роџер Федерер ги врати своите скии по 15 години, документирајќи го сето тоа со видео кое го сподели со своите над 11 милиони следбеници на социјалните мрежи.
View this post on Instagram
„Поминаа 15 години, толку е убаво да се вратиш на падините“, напиша тенисерот кој неодамна се пензионираше, додавајќи го хаштагот „нови почетоци“.
Меѓу коментарите на објавата, исто така е и оној на две снежни легенди како Линдзи Вон („Да Роџер! Тоа е како возење велосипед“) и Бит Феуз („Дали има слободно место во вашиот тим?“).
Скијањето е голема љубов на Федерер, кој бил на скијачките патеки уште од мали нозе, пред конечно да се одлучи за тенис. Но, за жал, исто така и пред се поради тешката повреда на грбот, тој мораше да го прекине своето хоби и да се откаже од него на многу долг период. Конечно, сепак, сега, закачувајќи го рекетот, може да почне одново од каде што застанал иако тоа треба постепено да го прави. По операциите на коленото, всушност, барем во моментот тој не може да скија на посложените и покомплексни патеки бидејќи напрегањата на зглобовите со кои би се соочил сепак би биле премногу тешки за поднесување без да ризикува нова повреда. Не случајно веднаш по пензионирањето изјави: „Малку ми е страв да практикувам други спортови, бидејќи коленото сè уште не ми е добро“.
Инаку, неодамна беше објавено дека Федерер ќе гостува на годинешниот најголем моден настан во светот, Мет Гала, кој ќе се одржи во Њујорк на 1 мај, и тоа тенисерот ќе биде во друштво на Пенелопе Круз и Дуа Липа.
