Џон Траволта е подготвен за ново полетување и слетување, и тоа ни помалку ни повеќе туку со Боинг 737, за кој добил дозвола за управување и со која се пофали во видео на Инстаграм. Во видеото, 68-годишниот Џон Траволта видно возбуден вели дека е исклучително горд на својата историја во воздухопловството.
„После 747 и 707, штотуку добив дозвола за летање со авион 737 и сѐ помина многу добро, затоа го споделувам овој момент со вас“, вели во видеото Траволта, после чие објавување му честитаа неговите познати пријатели.
Се огласија рокерот Томи Ли, актерот Дони Волберг, но и „црната пантерка“ Наоми Кембел.
Џон Траволта научил да управува со авион уште на 15 години, а првата дозвола за управување ја добил во 1978 година.
Тој поседува најмалку седум авиони, вклучувајќи ги Боинг 707, Бомбардиер Челинџер 601, Боинг 727 и три авиони Галфстрим.
Летањето е неговиот најдобар начин да се опушти и да избега од секојдневието, а колку е вљубен во него, зборува и тоа што во неговиот дом на Флорида има и приватна писта за своите авиони.
View this post on Instagram
View this post on Instagram
