„Путин, и ти да одиш во рововите!“ – извикуваа протестантите на протестот организиран против вчерашната наредба на Путин за воена мобилизација на населението.
Инциденти и повеќе од илјада протестанти се уапсени за време на уличните демонстрации против веќе најавената делумна мобилизација.
Оние кои протестираат ризикуваат и до 15 години затвор, а паника владее особено меѓу младите. Од друга страна пак, се случува масовно бегање од Русија. Авионските билети до достапните дестинации од Русија (Дубаи, Ерменија, Азербејџан, Србија и Турција) се веќе распродадени. Метеж и на границите со Финска каде со автомобили се чека во долги редици.
Најпопуларна реченица меѓу демонстрантите е „Путин и ти да одиш во ров!“, а меѓу младите – „Гушни ме ако и ти се плашиш“ – токму така гласеше и слоганот на протестот според транспарентот што го поставила некоја девојка во сибирскиот град Томск, непосредно пред полицијата да ја одведе.
Стравот доминира во расположението на милиони Руси особено од денот кога претседателот Владимир Путин најави делумна мобилизација во земјата.
Стотици излегоа вчера на улиците и плоштадите низ цела Русија да протестираат против повикот на Путин, подготвени да направат се за да прстане конфликтот со Украина. Демонстрантите носеа плакати со зборовите „не за мобилизација“, „не за војна“, „живот за нашите деца“.
A quiet dinner in Moscow pic.twitter.com/AmN1pVetCR
— Alec Luhn (@ASLuhn) September 21, 2022
Arrests on Arbat. Hundreds of Russians protesting the mobilization order chanting “No to War” pic.twitter.com/jhPAWA5vIe
— Andrew Roth (@Andrew__Roth) September 21, 2022
A crowd gathered this evening on Arbat, Moscow’s main pedestrian street, shouts “Send Putin to the trenches!” pic.twitter.com/pkm8vynnxw
— Francis Scarr (@francis_scarr) September 21, 2022
