Алек Болдвин објави видео на Инстаграм во кое го честита Божиќ и им се заблагодарува на сите оние кои му испратија поддршка откако тој ненамерно ја уби Халина Хачинс за време на снимањето на филмот „Rust“.
– Добив стотици мејлови од пријатели, членови на семејството, колеги и познаници со кои одамна не сум се слушнал. Навистина сум им благодарен, вели Болдвин на чие лице се гледа исцрпеност од трагедијата што се случи на филмски сет.
Болдвин нагласи и дека постојано мисли на Халина.
– Мило ми е што некои делови од сето ова наскоро ќе останат зад мене. Сепак, за сите нас кои бевме дел од тој настан, ова никогаш нема да биде минато бидејќи Халина почина на многу трагичен начин. Ниту еден ден не поминува без да не размислувам за тоа, објаснува глумецот и додава дека единствена грижа му е празниците да ги помине дома со семејството.
– Внимавајте, носете маска и вакцинирајте се со уште една доза. Не дозволувајте Дедо Мраз да се спушти низ оџакот без маска – зборува тој.
Инаку, минатата недела беше издадена наредба за увид на неговиот мобилен телефон како дел од истрагата за смртта на Халина. Обвинителот во Ново Мексико, кој ја надгледуваше истрагата, рече дека некои од луѓето кои го користеле оружјето на сетот може да се соочат со кривични пријави.
View this post on Instagram
