Раководството на зоолошката градина Палиќ соопшти дека младата лавица, која кон средината на минатата недела беше сместено во установата, е во многу лоша состојба.
Младенчето беше пронајдено на 21 септември како ја преминува улицата на патот Кантавир во близина на Суботица, град во северна Србија.
Дехидрирана е, слаба, а веќе четврти ден се води борба за живот“, стои на официјалната Фејсбук страница на ЗОО Палиќ.
Од институцијата наведуваат дека при приемот биле забележани бројни здравствени проблеми.
Утврдено е и дека лавицата има скршеница на бутната коска на левата и делумна скршеница на десната нога, па и покрај ризикот да биде ставена под анестезија, утрово била оперирана.
„Поради повреди на коските, дури и по операцијата, таа ќе мора да биде чувана на што е можно помал простор за да се одмори и да и се дозволи заздравување на коските“, се додава.
Според реакцијата на месото, како што се наведува, изгледа дека никогаш досега не и давале месо како храна.
„По терапијата почна сама да јаде, но изгледа дека цревата и желудникот не се способни да варат, односно да ја обработуваат храната и нема столица. Во оваа општо лоша ситуација може да откажат и други органи – бубрезите , џигерот“, посочуваат од Зоолошката градина Палиќ.
Во таа институција рекоа дека најважно е прво да закрепне лавицата, а потоа во соработка со другите државни органи да го најдат најдоброто решение за неа.
Лавицата ја пронашол маж од Суботица на одење на работа, по што животното било згрижено и префрлено во Зоолошката градина во Палиќ.
Не е познато како лавицата стигнала таму. Од полициската управа Суботица за РСЕ изјавија дека истрагата се уште е во тек.
