Новата година за српските пејачи започнала со скандали. Имено, на дочекот на годината 2026 во Хаген, Германија, каде што настапила групата Ѓогани, се случила измама. Како што тврдат тие, организаторот избегал и не им платил на Ѓоле и Весна Ѓогани, ниту на музичарите. Затоа решиле да го прекинат настапот на самиот дочек на 2026 година.
– Никого не исплати. Не станува збор за моите колеги и групата Ѓогани што дојдоа тука и го изработивме тој еден блок само за вас, за да влезат во Новата година среќни и задоволни, само затоа што, инаку јас веќе му реков дека нема да дојдам додека не ми ги донесе парите во хотелот. Го направив ова само заради публиката, меѓутоа, не можеме да продолжиме понатаму ниту 15, 20 минути, ние би биле и пејачи за публиката, не се грижиме за парите, но човекот не се согласува со тоа и рече да се запре музиката – рекол Ѓоле Ѓогани, покажувајќи кон музичарот:
– Вие можете да седите и понатаму тука, да пиете, да јадете и да уживате, не менувајте го расположението, бидете расположени – рекол Ѓоле Ѓогани во своето обраќање до гостите.
На новогодишната ноќ било турбулентно и на настапот на Надица Адемов, која одлучила да не пее поради организаторите.
Надица Адемов се качила на сцената на Белградскиот саем и објавила дека нема да пее поради непрофесионализмот на организаторите и ја напуштила салата. Нејзиниот колега Радиша Трајковиќ Ѓани, чиј настап го прекина за да се обрати на публиката, ги откри деталите за скандалот.
