Стенд ап шоуто на Весна Бејби Петрушевска со оригинален наслов, „Влези не се соблакај“, ќе го гледаат скопјани во среда во „Јавна соба“, од 21.15 часот.
Реприза на настапот, познатата актерка ќе има уште еднаш на истото место, на 19 април.
За првпат, Весна Бејби ова шоу го изведе во нејзиниот матичен Македонски народен театар, во 2019 година. На оригинален начин, го раскажа речиси целиот свој живот, од детството, преку свадбата со поранешниот сопруг, до нејзиниот актуелен љубовен живот, и секако интересни доживувања од нејзината актерска кариера.
Весна Бејби ќе ја насмее и Гевгелија, во Домот на културата на 6 април, а „Влези, не се соблакај“ ќе игра и во Струмица на 26 април, во Домот на културата.
-Смеењето е лек за сѐ! Затоа ве покануваме на стенд ап со Весна Петрушевска да се насмееме и да се исчистиме од лоши мисли и сите вируси“, велат од КМК продукција, која е организатор на овој настан.
Билетите чинат 300 денари и можат да ги резервираат во „Јавна соба“.
