Хрватската писателка и новинарка Ведрана Рудан го коментираше актерот Бранислав Лечиќ кој реши да ја тужи својата помлада колешка Анѓела Јовановиќ бидејќи одбила да сними сцена со него во серијата „Радио Милева“.
Ведрана Рудан истакна дека Бранислав Лечиќ не го смета за џентлмен, и дека поради тешката ситуација со нејзиниот татко научила да ги проценува луѓето.
– Нема потреба да слушам сведоштво на ниедна жена. Доволно ми е да го видам неговиот поглед, неговата насмевка и се ми е јасно – изјави Ведрана на хрватска телевизија „Прва“.
Инаку, денеска во Првиот основен суд во Белград се одржа рочиште по тужбата на актерот Бранислав Лечиќ против неговата колешка Анѓела Јовановиќ.
Екипата на српски „Блиц“ се појавила на суд, но Бранислав Лечиќ не се појавил, а Анѓела била поддржана од бројни колешки.
Но судењето било одлоено дури за 30 септември, според адвокатите, бидејќи секоја страна дотогаш ќе собира свои факти и сведоци.
