Според Фенг шуи, секој предмет што го имате во домот, има своја енергија. Во продолжение прочитајте од што сè треба да се ослободите за да внесете позитивна енергија во домот.
Расипани машини/апарати
Според експертите за Фенг шуи, електронските апарати претставуваат сила и моќ. Енергијата од скршените и расипаните апарати и електрониката, со тек на време ќе се манифестира во вашиот живот во облик на здравствени проблеми и проблеми на емоционални и работно поле. Затоа или поправете ги овие апарати или фрлете ги. Многу е подобро просторот да се остави празен, отколку да се исполни со расипан телевизор, компјутер, тостер, соковник…
Овенати билки
Билките во Фенг шуи симболизираат раст, но само ако растат. Ако растенија во вашиот дом или во канцеларијата умираат, ќе ви создадат проблеми. Можеби ќе ви биде тешко да станете наутро, а на работното место ќе чувствувате умор. Затоа ако растенијата ви се безживотни и овенати, подобро фрлете ги и купете нови здрави билки, но грижете се за нив.
Лекови со поминат рок на трење
Освен што не се препорачуваат за консумација, лековите и козметиката со изминат рок на траење се лоши и за домот во кој се чуваат. Според Фенг шуи тие содржат токсична енергија која може да влијае на вас- тешко да се опуштате и физички и психички.
Стара храна во фрижидерот
Според експертите за Фенг шуи храната е симбол на способност на примање и давање љубов. Затоа фрижидерот полн со стари работи, може да ја загрози вашата врска. Прегледајте го фрижидерот еднаш неделно, но не ги заборавајте и другите места каде што чувате храна. Ослободете се од сè што веќе не треба да се јаде. Кога еднаш ќе се навикнете, ќе бидете многу повнимателни кон храната, a ќе забележите и разлика во изразувањето на љубовта.
Суво цвеќе
Сувото цвеќе создава лоша енергија, поради тоа што претставува неподвижна енергија. Кога имате суво цвеќе во вашиот дом можеби ќе почнете почесто да фантазирате за вашето детство или за минатата љубов. Затоа, исфлете го букетот цвеќе кое веќе подолго време е сув и набавете си свежо цвеќе.
