Во далечната 1989 година, Емилија Кокиќ заедно со групата „Рива“ ѝ ја донесе победата на Југославија на Евровизија.
Нивната песна „Rock me“ беше и првата и единствена победа на Југославија на ова натпреварување.
Сепак, и покрај победата во Лозана, Емилија одлучи да се повлече од јавната сцена. Како што рече претходно, била разочарана од тоа како функционираат работите на естрадата.
„Никој не те учи што значи да се биде јавна личност, има толку многу што човек треба да научи“, призна Емилија во интервју за RTL, а потоа додаде:
„Најгорда сум на фактот што останав нормална личност. Беше многу тешко да се зачуваат некои морални вредности, некои од моите верувања и да застанам зад моите убедувања“, истакнува таа.
Наместо тоа, таа се посвети на образованието.
„Чувствував дека сакам нешто повеќе и училиштето ми ја исполни таа желба“, рече таа.
Поради темпото со кое живеела додека беше на врвот на нејзината популарност, Емилија имала здравствени проблеми.
„Можно е да се презаситив, бидејќи сè беше интензивно. Дури и сега не сум некоја планина од жена, завршив со тежина од 48 килограми во одделот за итни случаи со витамински коктели бидејќи немав време да јадам. Работите едноставно те мелат во шоу-бизнисот и сега е само прашање колку си цврст орев“, призна пејачката за RTL.
Како што призна, едно време ѝ било понудено да биде дел од скандал, но таа го одбила.
„Ми беше понуден еден скандал, но тоа за мене беше престрашно и едноставно не можев да се пронајдам во тоа. Требаше да се појавам во весниците како да сум нечија љубовница, а тоа не го сакав“, откри Емилија Кокиќ.
По напуштањето на групата Рива, таа започна соло кариера и сними седум албуми.
View this post on Instagram
