Не е тајна дека Доналд Трамп не е обожавател на Ријана, па поранешниот претседател воопшто не беше импресиониран од настапот на пејачката на полувремето од неделниот Супер Боул помеѓу Канзас Сити Чифс и Филаделфија Иглс.
И покрај тоа што поголемиот дел од светот беше импресиониран од Ријана и нејзината сет-листа, без разлика што таа настапи бремена, Трамп не уживаше во шоуто.
„Епски неуспех: Ријана го одржа, без преседан, најлошото шоу на полувремето во историјата на Супер Боул“, напиша тој на платформата Truth Social.
„Таа навреди многу повеќе од половина од нашата нација со нејзиниот лош и навредлив јазик“, додаде поранешниот претседател на САД.
Расправијата меѓу Трамп и Ријана започна на почетокот на неделата, кога тој ја обвини дека „нема талент“, исто така на социјалната мрежа Truth Social.
Но, и Ријана нема добро мислење за Трамп. Таа своевремено јавно кажа дека не е фан на Трамп, па дури и побара неговиот тим да престане да ја користи нејзината музика на неговите митинзи пред неколку години.
„Се чини дека ментално најболното човечко суштество во Америка во моментов е претседателот“, изјави таа за Вог во 2019 година.
Малку е веројатно дека Ријана ќе се загрижи што мисли Трамп за нејзиниот настап во неделата навечер на Супер Боул, и дека неговите коментари би можеле да ја разочараат, зашто таа одамна е разочарана од него.
