15:05 - 21 ноември, 2026

„Тоа е за мене сосема поинаква тага“: Тијана Богиќевиќ искрено за најголемата животна загуба и разводот

Поп-пејачката Тијана Богиќевиќ зборуваше отврено пред големиот солистички концерт во Сава Центар кој треба да се случи на 17 декември, зборувајќи за најтешките моменти во животот, вербата во љубовта и разводот .

Иако нејзините балади често звучат меланхолично, Тијана истакнува дека приватно многу се смее и не сака животот да го сфаќа премногу сериозно. Сепак, најголемата болка што ја доживеала не е поврзана со естрадата или љубовните бродоломи, туку со загубата на својата мајка:

„Загубата на мама за мене е сосема поинаква тага. Љубовните таги, колку и да изгледаат страшно, знаеш дека ќе поминат и дека повторно ќе сакаш. Кај загубата на мајката нема тоа ‘ќе помине’ — само учиш да живееш со тоа што тој човек веќе го нема. Има моменти кога би дала сè само уште еднаш да ѝ кажам нешто, да ја побарам или да ѝ го слушнам гласот. Тоа е тага што ниту една љубовна песна не може да ја допре“.

За крајот на својот брак и за новиот поглед кон љубовта и животот по 40-тата година, пејачката додава:

„Мојот брак не го гледам како грешка ниту како причина да се разочарам во љубовта. Тоа беше голем дел од мојот живот со многу љубов, но луѓето понекогаш се менуваат. Поубаво ми е тоа што било да го носам со благодарност, отколку со горчина. Повторно би се омажила доколку така чувствувам, но самиот хартиен чин веќе не ми е потврда за ништо — важни се обичните денови кога ќе дојдат проблемите“.

Богиќевиќ на шега порача и дека ги поддржува сите жени по 40-тата година да си го носат тоа што го сакаат, истакнувајќи дека на 44 години сè уште со задоволство носи мини-здолништа, но и дека и понатаму инвестира во кариерата и добрата песна наместо во скапи чанти.

Слични објави

(Фото) Српската естрада денеска го слави Свети Архангел Михаил: Сармите на Брена им се омилени на сите, Чолиќ оди во црква со ќерка си, Неда го собира семејството на ручек

Еспресо

(Фото) Од борбата повторно да застане на нозе до уживањето во ледените води – Ледената кралица Бетика покажа што ја прави среќна

apostolova

Оваа намирница може да ја подобри меморијата — научниците открија што се случува со мозокот ако ја јадете секој ден

К.С.

Зорица Брунцлик за тешкото детство: „По разводот, кај мајка ми јадев едно јајце поделено на четири“

К.С.

„Можете да ме побарате на телефон“ – Ребека Јанковска-Ристески им понуди поддршка на родителите на деца со посебни потреби

Еспресо

Денеска е Аранѓеловден — што не треба да правите на големиот празник посветен на Свети Архангел Михаил?

К.С.
Се вчитува....